MUQDISHO (DAYNIILE.COM)-Warar ayaa laga helayaa natiijada shirkii xasaasiga ahaa ee xalay Muqdisho ku dhexmaray Mucaaradka Golaha Mustaqbalka qeybtooda Xamar iyo saraakiisha ciidamada Dowlada ugu sareysa taasoo aan xakay warbixinteenii aan idinku sheegnay.
Dhinacyada oo ajandayaal kala dana watay ayaa dhanka Mucaaradka laga aqbalay loona balan qaaday in Dowladu qaban doonto doorashooyin loo dhan yahay oo la isku raacsan yahay,sidoo kale Dowlada waxaa iyadana laga aqbalay inaan marna la siyaasadeyn amniga qaranka.
Dowlada iyo mucaaradka waxay isku raaceen in wada jir loola dagaalamo Alshabaab iyo Daacihs,sidoo kale waxaa la isku afgartay in la adkeeyo shirarka lagu xoojinayo is araga iyo wada shaqaynta labada dhinac.
Shirka xalay waxaa dhanka Dowlada ku matalayay Taliyaha Nabad sugida iyo sirdoonka Mahad Maxamed Salad, Taliyaha Booliiska Somalia Asad Diyaana,Taliyaha Milateriga Somalia Ibrahim Maxamed Maxamuud iyo Gudomiyaha Maxkamada Ciidamada Xasan Cali Nuur Shuute.
Sidoo kale dhanka mucaaradkana waxaa ku matalayay Madaxweyne hore Shariif Sh.Axmed, Ra’iisulwasaare hore Xasan Cali Khayre,Ra’iisulwasaare hore Maxamed Xuseen Rooble,Xildhibaan C/raxman C/shukuur, C/kariin Xuseen Guuleed,C/laahi Carab iyo Maxamed Aadan Koofi.
XAFIISKA WARARKA SIYAASADA
DAYNIILE.COM
