SAWIRRO: Madaxweyne Xasan oo xariga ka jaray wadada Jamhuuriya ee Deg.Kaaraan

May be an image of one or more people, dais and text𝐌𝐮𝐪𝐝𝐢𝐬𝐡𝐨, 𝐍𝐨𝐟𝐞𝐞𝐦𝐛𝐚𝐫 𝟏𝟖, 𝟐𝟎𝟐𝟔: Madaxweynaha Jamhuuriyadda Federaalka Soomaaliya, Mudane Dr. Xasan Sheekh Maxamuud, ayaa Arbacada maanta hoggaamiyey munaasabadda xarig-jarka Waddada Jamhuuriya ee degmada Kaaraan, taas oo ah mashruuc gebi ahaanba eber laga soo billaabay, kana mid ah mashaariicda muhiimka ah ee lagu horumarinayo kaabayaasha dhaqaalaha iyo bilicda caasimadda Muqdisho.

Guddoomiyaha Maamulka Gobolka Banaadir ahna Duqa Magaalada Muqdisho, Dr. Xasan Maxamed Xuseen (Muungaab), oo munaasabadda hadal ka jeediyay ayaa sheegay in dhismaha waddadani uu qayb ka yahay qorshaha maamulka ee casriyeynta caasimadda iyo horumarinta kaabayaasha dhaqaalaha, si loo fududeeyo isu-socodka gaadiidka loona kobciyo adeegyada bulshada.

Duqa Muqdisho ayaa tilmaamay in dhaqaalaha lagu dhisay waddada uu ka yimid dakhliga gudaha ee Gobolka Banaadir, gaar ahaan canshuuraha ay bixiyaan shacabka, taas oo muujinaysa sida dakhliga dadweynaha loogu beddelayo kaabayaal iyo adeegyo ay bulshadu si toos ah uga faa’iidaysanayso.

Waddada Jamhuuriya oo ah laami laba jiho oo uu dhirirkiisu yahay ku-dhawaad 8 kiiloomitir, ayaa muddo dheer ka mid ahayd mashaariicda ay baahida weyn u qabeen shacabka degmada Kaaraan. Laba Duq Magaalo oo hore ayaa saddex jeer dhagax-dhigay mashruucan, hase yeeshee midkoodna kuma guuleysan hirgelintiisa.

Waxaa guusha billaabista iyo dhammaystirka mashruucan gaaray Guddoomiyaha Maamulka Gobolka Banaadir ahna Duqa Muqdisho, Dr. Xasan Maxamed Xuseen (Muungaab), kaas oo qorshihii muddada dheer sugitaanka ku jiray u beddelay waddo cusub oo maanta si rasmi ah xarigga looga jaray.

Madaxweynaha Jamhuuriyadda Federaalka Soomaaliya, Mudane Dr. Xasan Sheekh Maxamuud, ayaa bogaadiyey dadaallada Maamulka Gobolka Banaadir ee horumarinta kaabayaasha dhaqaalaha iyo bilicda caasimadda, isaga oo adkeeyey muhiimadda ay leedahay sii wadidda mashaariicda wax ka beddelaya muuqaalka iyo adeegyada Muqdisho.

Munaasabadda xarig-jarka waxaa sidoo kale goobjoog ka ahaa mas’uuliyiin ka tirsan Maamulka Gobolka Banaadir iyo maamulka degmada Kaaraan, iyo wakiillo ka socday qaybaha kala duwan ee bulshada.

— 𝐃𝐇𝐀𝐌𝐌𝐀𝐀𝐃 —May be an image of roadMay be an image of one or more people, suit and textMay be an image of one or more people and textMay be an image of one or more people, suit and crowdMay be an image of textMay be an image of streetMay be an image of one or more people, crowd and textMay be an image of one or more people and textMay be an image of one or more people, street and roadMay be an image of one or more people and textMay be an image of one or more people, suit and weddingMay be an image of monument and textMay be an image of one or more people, crowd and text

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments