JIG-JIGA (DAYNIILE.COM)-Wararka ka imaanaya dhulka Ogaandeenya ee Dowlad Deegaanka Soomaalida Itoobiya ayaa sheegaya inay cirka isku shareertay xiisad cusub oo ka dhex taagan Dowlada uu hogaamiyo Madaxweynaha Dowlad Deegaanka Soomaalida Itoobiya ee Mustaf Cag-jar iyo Saraakiisha hogaamisa Jab-hada ONLF.
Tan iyo markii Dowlada Itoobiya loo doortay inuu hogaamiyo Ra’iisulwasaare Abiye Axmed ayaa waxaa la xaliyay dagaalkii u dhexeeyay Jabhada ONLF iyo Itoobiya balse bilahaan danbe waxaa soo laba kacleeyay colaada labada dhinac kadib markii ONLF ay shaacisay in looga baxay heshiiskii lala galay.
Dagaal Af-ka ah ayaa ka dhex qarxay Jabhada ONLF iyo Madaxweyne Mustaf Cag-jar kaasoo baraha bulshada lagu arkayo xili ONLF ay kaliya shaacisay inay dagaaladii dib u bilaabeyso.
Madaxweynaha Dowlada Deegaanka Soomaalida ayaa qoraalo uu si dadban ugu hanjabayo ONLF waxaa lagu arkay baraha bulshada iyadoo la leeyahay isagaa laga soo min-guuriyay.
Dowlada Deegaanka ayaa hada bilowday inay Gobolada u kala dirto hogaamiyayaasha si ay u soo qiimeen xaalada dadku ku nool yihiin taasoo laftigeedu ku soo beegmeyso xili ururka ONFL sheegen inuu burburay heshiiskii ay Itoobiya kula jireen
Sidoo kale Madaxweyne Mustaf ayaa markii warkaasi ka soo yeeray ONLF wuxuu ugu baaqay shalay inay duurka ka soo noqdaan oo ay gogol Nabadeed yimaadan.
“Hadii wakhtiga iyo waayaha aadan cashir ka baran, oo damac iyo isla-qumanaantu hoggaanka kuu qabtaan waxaad noqonaysaa hangaraaraac maalinba lug ka go’ayso.” ayuu yiri Mustaf Cag-jar oo daba socda jawaabna ka bixinaya hadalada ONLF ka soo yeeray.
“hangaraarac lug uma dhutiyo hadaad tidhaa , oo maalinba sida luga go’ayso hanqaraaricii 100 lugood lahaa hal ama laba lugood uun ku soo hadhaan,miyuu dhutiyi mise bartaas ayuu ku basbeeli oo wadku ugu iman”ayuu mar kale yiri Mustaf oo la hadlaya ONLF oo laftigoodu baraha bulshada isticmaalaan.
XAFIISKA WARARKA
DAYNIILE.COM
