BUULO-XAAJI (DAYNIILE.COM)-Wararka laga helaayo Jubaland ayaa sheegaya in maanta kooxda Alshabaab ay hoobiyayaal ku garaaceen deegaanka Buulo-Xaaji ee duleedka Magaalada Kismaayo halkaasoo ay gacanta ku hayaan ciidamada Dowlad Goboleedka Jubaland.
Wararka ayaa intaasi ku daraya in ciidamada sida gaarka ah u tababaran ee guutada Birjeex oo roondo ku maqnaa islamarkaana ka ag dhawaa aagga lagta Caanoole ay ka war heleen goobta Alshabaabku hoobiyayasha ka tuurayeen halkaasna isku fara sareen.
Ciidamadaan Jubaland ayaa dhanka dambe kaga yimid kooxda Alshabaab sida aan xogta ku helnay xili ay ku jireen hoobiye tuurka.
Ciidamada Birjeex waxaa u suuragashay in ay howlgalkaasi ku soo qabtaan hoobiyihii la tuurayay halka sidoo kale kooxdii Alshabaabna ay mid ka dilaan.
Qoriga la soo qabtay oo ahaa nuuca Hoobiyaha loo yaqan iyo rasaastiisi iyo waliba kareeto ay damacsanaayeen in ay ku qaataan fadhiga qoriga iyo walxaha kale ayay la soo wareegeen ciidamada Jubaland.
XAFIISKA WARARKA
DAYNIILE.COM
Advertisement
