MUQDISHO (DAYNIILE.COM)-Inkastoo aanan cadeyn rasmi ah loo heyn ayaa hadana warar soo baxayay saacadihii ugu dambeeyay waxaa lagu eedeeyay fal dil ah Taliyaha cusub ee Ilaalada Madaxtoyada Somalia G/Dhexe Maslax Maxamed Maxamuud oo waliba Madaxweynuhu edeer ugu aadan yahay madaama ay isku jufo hoose yihiin.
Wararka kala duwan ayaa eedeynta ka soo baxaya iyadoo wararka qaar ay sheegayaan inuu difaacay rag dhawaan Degmada Wada-jir ku dilay Gudoomiye Waaxeed isla reerka uu ka dhashay ah halka warar kalana ay leeyihiin wuu ku lug leeyahay mana jirto eedeyn toos ah oo ku aadan inuu isagu gacantiisa ku dilay.
Gudoomiye waaxeedkii Xalane ee Degmada Wada-jir ayaa dhawaan kooxo hubeysan waxay ku dileen degmadaasi kadibna ehelada marxuumka ayaa bilaabay inay sharciga ka codsadaan in la soo qabto gacan ku dhiiglaha balse eedeyntaani waxay sheegeysaa in Taliyaha cusub ee ilaalada Madaxtoyada uu hor istaagay xili reerka Marxuumkana ay diideen in meydka la aaso ilaa laga soo qabto gacan ku dhiiglaha.
Wararka ayaa intaasi ku daraya in reerka Waceysle Abgaal ee Madaxweynuhu ka dhashay inay dhexdooda hada xiisadaasi dhex taagan tahay inkastoo aan cadeyn loo heyn eedeynta Taliyaha taasoo ah inuu diiday in la soo qabto dilaaga.
XAFIISKA WARARKA
DAYNIILE.COM
