ADIS-ABABA (DAYNIILE.COM)-Sida warbaahinta Itoobiya lagu shaaciyay diyaaradaha dagaalka Itoobiya ayaa mar kale duqeymo ka gaystay Somalia gaar ahaan Gobolada Jubada dhexe iyo shabee,xili Dowlada Itoobiya shaacisay markii ugu horeysay sababta ay Somallia uga bilaabeen duqeymaha Alshabaab.
Warkaan dhanjka Itoobiya ka yimid waxaa lagu sheegay in magaalooyin ku yaal gobolada aan soo sheegnay ay ka fuliyeen duqeymo ay ku bar-til maameedsadeen Alshabaab.
Itoobiyaanka meealaha ay ka beegsadeen Jilib waxay ku kala sheegeen Xarumaha ciidamada iyo goob ay shir ku lahaayeen Alshabaab walow aysan faahfaahin ka bixn hadii uu jiro khasaare nafeed.
Sidoo kale waxay sheegeen Itoobiyaanku shabeelaha hoose inay duqeeyeen tuulooyin fariisimo u ahaa kooxda Alshabaab , halkaasna ay abaabulo ka wadeen kaasoo weeraro ka dhan ah Dowlada Somalia.
Dhanka kale Dowlada Itoobiya ayaa ka hadashay sababta ay maalmahan danbe duqeynta uga wadaan Somalia taasoo aan hore looga baran kaliyana lagu ogaa ciidamada dhulka Somalia ka howlgala islamarkaana ku jooga magaca Midowga Afrika.
Itoobiyaanku waxay sheegeen in duqeymahan ay bilaabeen markiin ay arkeen weerarada maalmahaan danbe Alshabaabku ku hayaan Dowlada Somalia islamarkaana ayba markaan kulaalayaan meelaha u dhaw caasimada Somalia ee Muqdisho halkaasoo ay ay weeraro ka fulinayaan.
