MASAAJID CALI-GUDUUD (DAYNIILE.COM)-Warar dheeraad ah ayaa ka soo baxaya dagaalkii shalay kumaandooska Danab ee Dowlada Somalia ay ku qaadeen Degmada Masaajid Cali Guduud halkaasoo dhawaan ay qabsadeen dagaalamayasha Alshabaab.
Wararka aan heleyno ayaa sheegaya in ciidamada Dowladu kaabiga ku hayaan degmadaasi islamarkaana kooxdii Alshabaab ay isaga baxeen gudaha Magaaladaasi.
Dagaalka Ciidamada Dowladu shalay ku qaadeen oo ay bar bar socdeen duqeymo dhanka cirka ah ayaa lagu bur buriyay dhufeysyadii waa weynaa ee Alshabaab Degmadaasi ka qoteen.
Sidoo kale wararka aan heleyno ayaa sheegaya in dagaalkaasi oo ilaa xalay soo gaaray uu geystay khasaare nafeed oo dhimasho iyo dhaawacba leh inkastoo aan laga heyn warar sugan oo madax banaan.
Lama oga inta ay ku qaadan doonto inay ciidamada Kumaandooska Danab gudaha u galaan degmada Masaajid Cali-guduud madaama Alshabaab ay saareen cadaadis dagaal xili qorshaha Danab uu yahay inay degdeg gacanta Magaaladaasi ku soo geliyaan dhanka Dowlada Somalia.
XAFIISKA WARARKA
DAYNIILE.COM
