MUQDISHO (DAYNIILE.COM)-Xeebta Liido ayaa maanta soo tuftay meydka wiil yar oo 7 jir ah kaasoo ay shalay qaaday.xili uu ku dabaalanayay.
Allaha u naxariistee Wiilkaan yar oo magaciisa lagu sheegay Maajid Maxamed Cumar ayay badda Liido qaaday shalay galab waana la waayay shalay oo dhan inkastoo mar reerku moodeen inuu lumay balse markii danbe bada lagu sheegay.
Maanta ayay soo tuftay badda gaar ahaana Xeebta nawaaxiiga Isbitaalka Kaysaneey ee Magaalada Muqdisho oo la teedan Xeebta Liido.
Hooyo Yaasmiin Maxamed Iidow oo dhashay wiilka baddu dishay ayaa shalay baafisay wiilkeeda iyadoo u heysatay inuu ku dhex dhumay dadka badan ee isugu yimid xeebta Liido inkastoo isla shalay ay heshay akhbaar ahayd inay baddu qaaday markaasoo baadi goobkii la bilaabay xalay laga hoyday,ugu dambeyna maanta ayay baddu soo tuftay meydka wiilka yar.
XAFIISKA WARARKA
DAYNIILE.COM
