Arsenal ayaa isha ku heysa kulanka Champions League ee Real Madrid marka ay soo laabtaan ka dib fasaxa caalamiga ah.
Gunners ayaa lugta hore ee wareega 8da ku marti galin doonta Emirates Stadium 8-da bisha April ka Hor inta ayna booqan Bernabue 16 isla bishaas.
Intaa ka hor, Arsenal waxa ay Salaasada soo dhaweyn doontaa Fulham kulan ka tirsan Premier League ka dibna waxa ay Everton ku wajihi doontaa Goodison Park Sabtida soo socota
12 dhibcood ayaa ka dambeeyaan Liverpool iyadoo sagaal kulan ay ka harsan tahay, qabashada hogaamiyayaasha waxay u muuqataa mid adag sidaas darteed waxa ay diirada saari doonaan champions League.
Taam ahaanshaha Bukayo Saka ayaa fure u noqon karta fursadahooda kulanka boqorada Yurub ee Real Madrid. Iyadoo taas maskaxda lagu hayo, halkan waxaan ku eegeynaa dhaawacyadii ugu dambeeyay ee Arsenal.
Arsenal ayaa ku Rajo weyn in uu Bukayo Saka door ka qaato kulanka Fulham Halka sidoo kale Riccardo Calafiori iyo jurrien Timber ayaa sidoo kale la filayaa in ay taam noqdaan.
Si kasta ha ahaatee Kai Havertz iyo Gabriel Jesus ayaan u wali Soo laaban doonaan waxana ay maqnaan doonaan inta ka dhiman xilli ciyaareedkan.
