MUQDISHO (DAYNIILE.COM)-Madaxweynaha Soomaaliya Dr.Xassan Sheekh ayaa wiilkiisa u magacaabay Taliyaha ilaalada Madaxweynaha waxaana lagu magacaabaa C/fataax kaasoo hore ula shaqeyn jirey madaxweynaha.
Xilkaan oo ah mid ciidan ayaa hadana miisaankiisa leh waxaana waerarku tilmaamayaan in wiilku soo bartay qeyb ka mida waxbarashada ciidamada isagoo dalka dibadisana ku soo bartay.
C/fataax Xasan Sheekh wuxuu wax ku soo bartay Dalka Serbia,qaar ka mid ah saraakiishii wax la soo baratay ayaa ku amaanay wiilka Madaxweynaha inuu howlkar yahay islamarkaana aad u bartay howsha cidanimada iyo amniga.
Wiilkaan ayaa hore waxaa loogu arki jirey isagoo si qaas ah aabihiis ula socda islamarkaana ka fura albaabka baabuurta buruufka ah ee aan wax karin kuwaasoo madaxdu inta badan isticmaalaan.
Madaxweyne Xassan ayaa hore gabadhiisa xil ugu magacaabay Dowlada taasoo iyadana wax soo baratay,madaxweynaha ayaa magacaabista gabadhiisa hadal heyn ka dhalatay wuxuu kaga jawaabay in qoyskiisu yihiin muwaadinin Somaliyeed islamarkaana ay xaq u leeyihiin inay dalka xil ka qabtaan.
XAFIISKA WARARKA
DAYNIILE.COM
DAYNIILE.COM
