WAJEER (DAYNIILE.COM)-32 jir Daroogiiste ah ayaa goor dhaw oo barqadii ah wuxuu Hooyadiis ku dilay Ismaamulka Wajeer ee Dalka Kenya.
Gacan ku dhiiglaha oo magaciisa lagu soo koobay C/fataax ayaa la sheegay inuu dilka hooyadiis u adeegsaday baangad uu dhowr jeer ku celceliyay dhuunta ilaa ay ka dhimato.
Mid ka mida dadka u dhashay Magaalada Wajeer ayaa noo sheegay in 2 bil ka hor uu isla gacan ku dhiiglahaan dilay nin dariskiisa ahaa Allaha u naxariistee kadibna Xabdi loo taxaabay.
Arinta la yaabla leh ayaa ah in hooyadiis ay gacan ka geysatay sidii wiilkeeda xabsiga looga soo deyn lahaa, wayna ku guuleysatay kadib wada xaajood dhexmaray labada dhinac.
Markii xabsiga laga soo daayay isagoo banaanka jooga wax ka yar bil ayuu hooyadiis qudha ka jaray maanta barqadii,ugu danbeyna waa la soo qabtay isagoo isku dayay inuu baxsado,iminka saldhiga Booliiska ayuu ku xiran yahay.
Arinta kale oo la yaabla leh ayaa ah in baangada uu hada hooyadiis ku dilay ay u iibiyeen dadka ugu dhaw ehaladiisa.
XAFIISKA WARARKA
DAYNIILE.COM
