Wasiirka Gaadiidka iyo Duulista hawada XFS Fardowso Cismaan Cigaal oo uu wehliyo Maareeyaha hay’adda Duulista Rayidka Axmed Macalin ayaa maanta soo booqatay Xarunta Sheybaarada diyaarinta Qorshaha Isbeddelka Qaranka.
Booqashada Wasiirada ayaa la xiriirtay u kuur galista shaqooyinka Muhiimka ah ee ka socota halkaan, waxaana ay warbixin ka dhageysatay qubarada iyo Masuuliyiinta hormuudka u ah howlgalkaan.
Wasiir Fardowso ayaa kormeertay Sheybaarada Qaar waxaana ay ku dhiirigalisay howl wadeenada howsha wanaagsan ee ay hayaan, iyadoo u rajeysay in ay soo saari doonaan Qorshe Qaran oo dalkeena u horseeda guul iyo Horumar Waara.
Dhinaca kale Wasiirka Wasaaradda Xanaanada Xoolaha, Dhirta iyo Daaqa XFS Xasan Xuseen {Xasan Eelaay} ayaa isaguna maanta soo booqday Sheybaarada diyaarinta Qorshaha Isbeddelka Qaranka si uu u arko shaqada muhiimka ah ee todobaadkii saddexaad ka socota halkaan.
Wasiirka ayaa kormeeray Sheybaarada, howl wadeenad ayaana Warbixin ka siiyeen shaqada ay hayaan ee diyaarinta Qorshaha waxaana uu ku dhiirri galiyey in ay dadaalka halkaas ka sii wadaan.
Advertisement
