Wasiirka Gaashaandhiga XFS Cabduqaadir Maxamed Nuur ayaa shacabka la wadaagay hambalyada maalinta Calanka Somalia ee 12ka October.
“Waxaan guud ahaan ummadda Soomaaliyeed ugu hambalyeynayaa sannad-guurada 70-aad ee Munaasabadda Maalinta calanka oo ku beegan maalintii ugu horreysay ee ciideena laga taagay calankeena Cawaale ee 12-kii October 1954-tii.” Ayuu yiri Wasiir Cabduqaadir.
Sidoo kale Xildhibaan C/raxman C/shukuur ayaa isna qoraal uu baraha bulshada soo geliyay wuxuu kaga hadlay maalinta calankeena, wuxuuna u qornaa qoraalkiisa sidan:-
Calanku waa maro, micnase waxaa u yeela awoodda qaranka uu astaanta u yahay iyo itaalka dowladdiisa. Cisi waan u yeeli karnaa haddii aan u hawlgalno sidii aan u quwayn lahayn qaranka, u awdi lahayn irdihiisa ballaqan, una midayn lahayn ummadeenna.
Hanbalyo maalinta calanka Soomaaliyeed.
Advertisement
