Wasiir Fiqi oo Turkey u aaday ka qeybgalka Wareegga labaad ee wadahadalka Itoobiya iyo Somalia 

Muqdisho, August 10, 2024 – Wafdi uu hoggaaminayo Wasiirka Arrimaha Dibadda iyo Iskaashiga Caalamiga ee XFS Mudane Axmed Macallin Fiqi ayaa maanta u ambabaxay caasimadda dalka Turkiga ee Ankara sida lagu shaaciyay warbaahinta Dowlada.

Wafdigaan ayaa casuumad rasmi ah ka helay Dowladda Turkiga, iyagoo matalaya Dowladda Soomaaliya, waxayna ka qayb gali-doonaan wareegga labaad ee wadahadalka kala dhexeeya Itoobiya, kaas oo ay garwadeen ka tahay Dowladda Turkiga sida ay sheegtay Wasaarada arrimaha dibada Soomaaliya.

Wadahadalkan ayaa lagu wadaa inuu magaalada Ankara ka furmo maalinta Isniinta ah ee 12 August, 2024.

Advertisement