MUQDISHO (DAYNIILE.COM)- Wasiirka arimaha Dibada Somalia Axmed Macalin Fiqi ayaa ka hadlay sidii loo xaliyay khilaakii soo kala dhex galay Dowlada Somalia iyo deriska Itoobiya.
Wasiirka wuxuu sheegay Somalia u guuleysatay diblomaasiyad ahaan islamarkaaana guushaas lagu gaaray wada-hadalka ay Somalia ogolaatay madaama ay hantida Somalida lagu soo xad-gudbay.
“Arrintii nagala dhaxeysay Itoobiya waxaa lagu xaliyay dulqaadka Soomaaliya iyo kalsoonida lagu qabo, madama ay dhulkeeni nagu qabsatay.” Wasiir ayuu yiri Axmed Macalin Fiqi .
Wasiirka wuxuu soo hadal qaaday muhiimada diblomaasiyada iyo wada-hadalka ay u lahayd Somalia taasoo ugu danbeyn guulweyn laga soo hooyayay islamarkana ay Somalia ku guuleysatay hadafkeeda.
“hadaan aan la wada hadlin sideen u guuleysan lahan, hada Somalia way ka guuleysatay Itoobiya wayna ka nafistay , hada sanadka cusub waxaan u guda galeynaa shaqooyinka na hor yaal kiiskaas Itoobiya nagala dhexeeyay wuxuu ku soo dhamaaday Soomaaliya sidey rabtay”ayuu mar kale yiri wasiirka
XAFIISKA WARARKA
DAYNIILE.COM
