QAZA (DAYNIILE.COM)-Ciidamada Israel ayaa sii wada duqeymaha ay ku hayaan Qaza, iyagoo lix falastiiniyiin ah ku dilay weerar ay ku qaadeen waqooyiga magaalada Beit Lahiya, maalin kadib markii ay ugu yaraan 60 ku dileen weeraro ka dhacay gobolka.
Ahmed Mansour, oo ahaa saxafi si xun u gubtay weerarkii isniintii Israel ku qaaday teendho warbaahineed oo u dhow Isbitaalka Nasser ee koonfurta Qaza Khan Younis, ayaa u dhintay dhaawacii soo gaaray, isaga oo tirada dhimashada ka dhigaysa ugu yaraan saddex.
Madaxweynaha Mareykanka Donald Trump iyo Ra’iisul Wasaaraha Israa’iil Benjamin Netanyahu ayaa ku kulmay Aqalka Cad, waxayna ka wadahadleen dalalka ku habboon in loo qaado Falastiiniyiinta sida qasabka ah looga soo barakiciyo Gaza.
Wasaaradda caafimaadka ee Gaza ayaa sheegtay in ugu yaraan 50,695 falastiiniyiin ah la xaqiijiyay in ay dhinteen 115,338 ay ku dhaawacmeen dagaalka Israa’iil ee Gaza.
Xafiiska Warbaahinta ee Dowladda ayaa dhimashadiisa ka dhigay in ka badan 61,700, iyadoo sheegtay in kumannaan qof oo lagu la’yahay burburka hoostiisa loo maleynayo inay dhinteen.
Ugu yaraan 1,139 qof ayaa lagu dilay Israa’iil intii lagu guda jiray weerarradii ay Xamaas hoggaaminaysay 7-dii Oktoobar 2023 in ka badan 200 oo qofna waa la qafaashay.
SOURCE ALJAZEERA
XAFIISKA WARARKA
DAYNIILE.COM
