GAZA (DAYNIILE.COM)-Ciidamada Israa’iil ayaa ugu hanjabay dadka deegaanka in ay isaga baxayaan qeyb ka mid ah gobolka Bekaa ee bariga Lubnaan, iyagoo ka digay in ay bartilmaameedsadaan deegaankaasi.
Shaqaalaha isbitaallada Kamaal Adwan, al-Awda iyo Indonesia ee Gaza ayaa sheegay in cuntadu ay dhammaanayso iyadoo go’doominta Israa’iil ee Jabalia ee waqooyiga dhulka ay sii socoto maalintii 13aad.
Difaaca madaniga ah ee Gaza ayaa sheegay in ay awoodi wayday in ay soo saarto meydadka tobonaan qof oo ku hoos aasan burburka dhismayaal ay burburiyeen duqeymaha Israa’iil ee Jabalia.
Ciidamada Qaramada Midoobay ee ku-meel-gaarka ah ee Lubnaan (UNIFIL) ayaa sheegay in ciidamadooda nabad ilaalinta ay mar kale la kulmeen “weeraro toos ah oo muuqata oo ka yimid taangi Israa’iil ah oo ku sugan koonfurta Lubnaan, weerarkii ugu dambeeyay.
Gaza, ugu yaraan 42,438 qof ayaa lagu dilay 99,246 waa lagu dhaawacay weerarrada Israel tan iyo 7-dii Oktoobar, 2023. Ugu yaraan 1,139 qof ayaa lagu dilay weerarrada Xamaas ay ku qaadday Israa’iil Oktoobar 7, 2023, in ka badan 200 ayaa la qabtay.
XAFIISKA WARARKA
DAYNIILE.COM
