QAZA (DAYNIILE.COM)-Israa’iil ayaa dishay 12 falastiiniyiin ah weerar ay ku qaadday dugsiga Mustafa Hafez ee magaalada Gaza, sida uu sheegay difaaca madaniga ah, halkaas oo boqolaal barakacayaal ah ay gabaad ka dhiganayeen.
Xamaas ayaa ku eedaysay Maraykanka in uu bedelay shuruudihii wada xaajoodka xabad joojinta iyo in uu eex indho la’aan ah u muujinayo Israa’iil, iyada oo dublamaasi sare Blinken uu sii wado safarkiisa gobolka ee Masar.
Ciidamada Israa’iil ayaa sheegay in ay heleen meydadka lix qof oo Xamaas ay ka qafaasheen Khan Younis, iyadoo qoysaska maxaabiista haray ay dalbanayaan in dowladda ay heshiis xabad joojin ah ka gaarto.
Kumanaan kun oo qof ayaa isugu soo baxay waddooyinka Chicago si ay uga mudaaharaadaan taageerada maamulka Biden ee dagaalka Israa’iil ee Gaza iyadoo shirweynaha qaran ee Dimuqraadigu uu ka furmay magaalada.
Ugu yaraan 40,173 qof ayaa lagu dilay 92,857 kalena waa lagu dhaawacay dagaalka Israa’iil ee Gaza. Qiyaastii 1,139 qof ayaa lagu dilay Israa’iil intii lagu guda jiray weerarradii ay Xamaas hoggaaminaysay ee dhacay 7-dii October in ka badan 200 oo qofna waa la qafaashay.
XAFIISKA WARARKAÂ
DAYNIILE.COM
