Laanqayrta cas ayaa xaaladda bini’aadantinimo ee Gaza ku tilmaantay cadaabta dhulka, waxayna ka digtay in cisbitaalkeeda garoonku uu saadka ka dhammaan doono laba toddobaad gudahood.
Sida Qaramada Midoobay sheegtay ilaa 36 weerarrada cirka ah ee Israa’iil ee Gaza ayaa muujinaysa in haween iyo carruur kaliya lagu dilay, QM waxay intaasi ku dartay ineysan jirin dagaalyahanno Falastiiniyiin ah oo weeraradaasi lagu dilay.
Ugu yaraan 20 qof ayaa lagu dilay marinka Qaza tan iyo waaberigii iyadoo Israa’iil ay soo saartay amarro qasab ah oo lagu daadgureynayo dadka waqooyiga.
Wasaaradda caafimaadka ee Gaza ayaa sheegtay in ugu yaraan 50,912 falastiiniyiin ah la xaqiijiyay in ay dhinteen 115,891 ay ku dhaawacmeen dagaalka Israa’iil ee Gaza.
Xafiiska Warbaahinta ee Dowladda ayaa dhimashadiisa ka dhigay in ka badan 61,700, iyadoo sheegtay in kumannaan qof oo lagu la’yahay burburka hoostiisa loo maleynayo inay dhinteen.
Ugu yaraan 1,139 qof ayaa lagu dilay Israa’iil intii lagu guda jiray weerarradii ay Xamaas hoggaaminaysay Oktoobar 7, 2023, in ka badan 200 oo qofna waa la qafaashay.
SOURCE ALJAZEERA
XAFIISKA WARARKA
DAYNIILE.COM
