GAZA (DAYNIILE.COM)-Xafiiska Warbaahinta ee Xukuumadda Gaza ayaa sheegay in 30 Falastiiniyiin ah, oo u badan haween iyo carruur, lagu dilay weerarka lagu qaaday iskuul ay Qaramada Midoobay maamusho oo ku yaalla Khan Younis oo hoy u ah qoysas barakacayaal ah.
Toban khabiir oo Qaramada Midoobay ah ayaa qaylo dhaan ka soo saaray “ololaha gaajada” ee Israa’iil ee ka dhanka ah Marinka Gaza, iyaga oo sheegay in aan la dafiri karin in macaluul ay halkaas ka dhacdo.
Ugu yaraan sagaal qof ayaa lagu dilay weerar ay Israa’iil ku qaadday xerada qaxootiga ee Bureij ee Gaza, oo ay ku jiraan shan carruur ah, kuwaas oo ku ciyaarayay waddada.
Bukaannada iyo shaqaaluhu waxay ka carareen cisbitaalka al-Ahli Arab iyo Cisbitaalka Saaxiibada Bukaanka ee Benevolent Society ka dib markii milatariga Israa’iil uu soo saaray amar kale oo dad badan oo lagu daadgureynayo qaybo ka mid ah magaalada Gaza.
Milatariga Israel ayaa sheegay in diyaaradahooda dagaalka ay weerareen “dhis iskuul” oo ku yaala xerada qaxootiga ee Nuseirat ee bartamaha Gaza.
Madaxa Xamaas Ismail Haniyeh ayaa ka digaya “saamayn musiibo ah” ee wadahadalka xabad joojinta hadii Israel “xasuuqa, dilka iyo barakicinta” ee Marinka Gaza ay sii socdaan.
Ugu yaraan 38,243 qof ayaa lagu dilay 88,243 kalena waa lagu dhaawacay dagaalka Israa’iil ee Gaza tan iyo 7-dii October.
XAFIISKA WARARKA
DAYNIILE.COM
