Wajigii koowaad ee xabbad joojinta Israa’iil iyo Xamaas wuu dhacay laakiin wax guul ah laguma dhawaaqin wadahadallada Masar ka socda ee ku aaddan marxaladda xigta ee xabbad joojinta.
Wafdiga wada xaajoodka ee Israel ayaa ka soo laabtay Qaahira, waxaana lagu wadaa in ra’iisul wasaare Benjamin Netanyahu uu la kulmo kooxdiisa ammaanka, sida ay sheegtay warbaahinta gudaha.
Xoghayaha guud ee Qaramada Midoobay Antonio Guterres ayaa sheegay in xabbad joojintu ay tahay in la qabto, isaga oo dhinacyada ka codsanaya in ay wax dadaal ah ka bixin si looga fogaado burburka heshiiska.
Maraykanka ayaa ku dhawaaqay inuu ogolaaday iibinta in ka badan $3bn oo isugu jira rasaas, cagaf-cagafyo iyo qalab milatari oo la xidhiidha Israel.
Wasaaradda caafimaadka ee Gaza ayaa xaqiijisay in 48,365 Falastiiniyiin ah ay ku dhinteen dagaalka Israel ee Gaza, halka 111,780 qof ay ku dhaawacmeen.
Xafiiska Warbaahinta ee Dowladda ayaa dhimashadooda u cusboonaysiiyay ugu yaraan 61,709, isaga oo sheegay in kumanaan Falastiiniyiin ah oo lagu la’yahay burburka hoostiisa loo malaynayo in ay dhinteen.
Ugu yaraan 1,139 qof ayaa lagu dilay Israa’iil intii lagu guda jiray Oktoobar 7, 2023, weerarradii ay Xamaas hoggaaminaysay, in ka badan 200 oo qofna waa la qafaashay.
SOURCE ALJAZEERA
XAFIISKA WARARKA
DAYNIILE.COM
