MUQDISHO (DAYNIILE.COM)-Waxaa soo baxaya warar sheegaya in kulan degdeg ah ay dhawaan ku yeelanayaan Madaxyooyada Somalia Madaxweyne Xassan iyo Madaxweynayaasha Maamulada Gal-mudug Qoor,Qoor, Hirshabelle Cali Gud-laawe iyo Koofur-Galbeed C/casiis Lafta-gareen.
Kulankaan wuxuu horu dhac u yahay shirka Madaxweyne Xasan u qaban doono saamileyda siyaasada Somalia sida musharixiinta Madaxweynaha Somalia iyo madaxda maamul Goboleedyada dhamaan.
Sida aan xogta ku helnay shirkaan wuxuu Madaxweynuhu kala tashanayaa maamulada ay siyaasad ahaan isku fiican yihiin qaabka iyo waqtiga uu dhacayo shirka wada-tashida uu dhawaan iclaamiyay.
Kulankaan waxaa lagu wadaa in lagu lafa guri doono saamileyda siyaasada yaa loo aqoonsan doonaa ma siyaasiyiin cayiman sida kuwa caanka ah tusaale ahaan musharixiinta muuqda ,kuwii xilalka soo qabtay mise cid kasta oo hada siyaasada ka muuqata mise xisbiyada is diiwaan geliyay.
Si kastaba saamileyda siyaasada inta hada la ogyahay waa maamul Goboleedyada ,Madaxdii xilalka isaga dambeysay iyo siyaasiyiinta kuwa caanka ah.
XAFIISKA WARARKA
DAYNIILE.COMÂ
