QAZA (DAYNIILE.COM)-Ugu yaraan 112 falastiiniyiin ah ayaa lagu soo waramayaa in lagu dilay weerarrada Israel ee guud ahaan Gaza maalintii la soo dhaafay, oo ay ku jiraan haween iyo carruur u badan 33 lagu dilay saddex weerar oo kala duwan oo lagu qaaday iskuullo ay gabaad ka dhiganayeen Falastiiniyiinta ka barakacay magaalada Gaza.
Israel ayaa amartay in si qasab ah looga eryo xaafadaha koonfurta ee magaalada Gaza iyadoo Qaramada Midoobay ay ku qiyaastay ilaa 280,000 oo Falastiiniyiin ah inay xoog ku barakaceen tan iyo markii Israa’iil ay jebisay xabad joojintii Gaza 18-kii Maarso.
Dilkii ugu dambeeyay ee Israa’iil ee 15 dhakhaatiir iyo shaqaale degdeg ah – oo looga shakisan yahay dambi dagaal – waa “mid ka mid ah waqtiyada ugu madaw” ee dagaalka Gaza, ayuu yidhi madaxweynaha Ururka Bisha Cas ee Falastiin.
Wasaaradda caafimaadka ee Gaza ayaa sheegtay in ugu yaraan 50,523 falastiiniyiin ah la xaqiijiyay in ay dhinteen 114,638 kalena ay ku dhaawacmeen dagaalka Israa’iil ee Gaza. Xafiiska Warbaahinta ee Dowladda ayaa dhimashadiisa ka dhigay in ka badan 61,700, iyadoo sheegtay in kumannaan qof oo lagu la’yahay burburka hoostiisa loo maleynayo inay dhinteen.
Ugu yaraan 1,139 qof ayaa lagu dilay Israa’iil intii lagu guda jiray weerarradii ay Xamaas hoggaaminaysay Oktoobar 7, 2023, in ka badan 200 oo qofna waa la qafaashay.
SOURCE ALJAZEERA
XAFIISKA WARARKA
DAYNIILE.COM
Â
