GAZA (DAYNIILE.COM)-Madaxa siyaasadda arrimaha dibadda ee Midowga Yurub Josep Borrell ayaa sheegay in duulaanka militari ee ugu weyn ee Israa’iil ay ku hayso Daanta Galbeed ee la haysto ay tahay in aanu noqon “goobta dagaal kordhinta ee Gaza” iyo soo celinta “burburka baaxadda leh” ee lagu arkay dhulka Falastiiniyiinta.
Hay’adda Qaramada Midoobay u qaabilsan Cunnada Adduunka (WFP) ayaa hakisay dhaq-dhaqaaqa shaqaalaha ee Gaza ka dib markii mid ka mid ah “gaari bini’aadantinimo oo si cad u calaamadeysan” ay ku dhufatay ugu yaraan 10 jeer rasaas ay Israa’iil ku ridday bar kontorool oo milatari.
Sideed falastiiniyiin ah ayaa ku dhintay duqeymihii ugu dambeeyay ee Israa’iil ay la beegsatay iskuul ay gabbaad ka dhiganayeen dad barakacayaal ah oo ku sii jeeday bariga magaalada Deir el-Balah ee bartamaha Gaza.
Weerarkii ugu ballaarnaa ee ay ciidamada Israa’iil ku qaadeen Daanta Galbeed ee la haysto muddo tobanaan sano ah ayaa sii socda iyadoo ugu yaraan 12 falastiiniyiin ah lagu dilay tobanaan kalena lagu dhaawacay ka dib maalintii ugu horreysay ee duulaanka Arbacadii.
Ugu yaraan 40,602 qof ayaa lagu dilay 93,855 kalena waa lagu dhaawacay dagaalka Israa’iil ee Gaza. Qiyaastii 1,139 qof ayaa lagu dilay Israa’iil intii lagu guda jiray weerarradii ay Xamaas hoggaaminaysay ee dhacay 7-dii Oktoobar.
XAFIISKA WARARKA
DAYNIILE.COM
