GAZA (DAYNIILE.COM)-Kumanaan Falastiiniyiin ah ayaa ka qaxaya magaalada Rafah ee koonfurta Qaza ka dib markii ciidamada Israel ay amar ku bixiyeen in la baneeyo ku dhawaad ​​magaalada oo dhan isla markaana ay weeraro dhimasho badan ku dhufteen deegaankaasi.
Falastiiniyiinta ku sugan Qaza ayaa aas u sameeyay 15 ka mid ah shaqaalaha gurmadka degdega ah ee ciidamada Israel lagu dilay xilli ay isku dayayeen inay badbaadiyaan dad rayid ah oo dhaawacmay 23-kii March.
Ciidamada Israa’iil ayaa markii labaad todobaad gudihiis ku qaaday magaalada Beirut ee caasimadda dalka Lubnaan, halkaasi oo ay ku dileen ugu yaraan saddex qof, isla markaana ay halis gelisay xabbad joojintii ay la galeen Xisbullah.
Wasaaradda caafimaadka ee Gaza ayaa sheegtay in ugu yaraan 50,357 Falastiiniyiin ah la xaqiijiyay in ay dhinteen 114,400 oo kalena ay ku dhaawacmeen dagaalka Israa’iil ee Gaza.
Xafiiska warbaahinta ee Gaza ayaa cusboonaysiiyay dhimashadiisa qiyaastii laba bilood ka hor in ka badan 61,700, isaga oo sheegay in kumanaan qof oo lagu la’yahay burburka hoostiisa loo malaynayo inay dhinteen.
Ugu yaraan 1,139 qof ayaa lagu dilay Israa’iil intii lagu guda jiray weerarradii ay Xamaas hoggaaminaysay Oktoobar 7, 2023, in ka badan 200 oo qofna waa la qafaashay.
SOURCE ALJAZEERA
XAFIISKA WARARKA
DAYNIILE.COM
