AFGOOYE (DAYNIILE.COM)-Warar dheeraad ah ayaa ka soo baxaya dilka saaka loo geystay Taliyihii Guutada 14-ka Oktobar Nuur Fareey kaasoo ka dhacay duleedka Degmad Afgooye ee Gobolka Shabeelaha hoose.
Wararku waxay sheegayaan in dilkaani ahaa shirqool ay Alshabaab soo maleegeen kadib markii ay ciidamada deegaanka ay ku soo dhex darsadeen dagaalame Alshabaab ka tirsan kaasoo ugu dambeyn saaka toogtay Taliyaha.
Sidoo kale faah-faahinada la helaayo ayaa sheegaya in sidoo kale Taliyaha lala dilay sedex askari oo laba ay xidiglayaal ahaayeen halka midka kalana uu dable ahaa kuwaasoo 4 ku ah dilka Taliyaha loo geystay.
Ninka Alshabaabka ka tirsanaa markii uu Taliyaha iyo sedexda askari laayay ayaa isna waxaa togtay ilaalada Taliyaha isla goobta ayuu ku geeriyooday gacan ku dhiiglaha.
Taliska milateriga Somalia iyo wasaarada gaashaandhiga wali wax wara kama soo saarin shirqolka saaka lagu dilay Taliyihii guutada 14-ka Oktobar Allaha u wada naxariistee Nuur Fareey iyo askarta kale .
XAFIISKA WARARKA
DAYNIILE.COM
