MUQDISHO (DAYNIILE.COM)-Xuseen Sheekh Maxamuud oo ah La taliyaha arimaha dastuurka ee Madaxweyne Xassa ayaa cadeeyay in wada hadal dhanka teelka ah dhex-maray Madaxweynaha Soomaaliya Xassan Sheekh Maxamuud iyo labadii Madaxweyne hore Xildhibaan Shariif Sheekh Axmed iyo Xildhibaan Maxamed C/laahi Farmaajo.
Sida La taliyaha uu sheegay Madaxweyne Xassan ayaa wacay Farnmaajo iyo iyo Shariif wuxuna kala hadlay arimo ku saabsan gogosha uu u dhigay saamileyda siyaasada iyo Ururada bulshada.
La taliyaha wuxuu xusay in Madaxweynuhu si aan rasmi ahayn ula hadlay madaxweynayaashii hore inkastoo uusan magacyadooda sheegin hadana labadaas kaliya ayaaba hada siyaasada ku jira marka la eego madaxdii dalka soo xukuntay.
Tusaale ahaan C/laahi Yuusuf wuuba geeriyooday AUN , C/qaasim-na mar hore ayuu siyaasada ka haray taasoo cadeyneysa in madaxda uu wacay ay yihiin Shariif iyo Farmaajo oo hada ku jira saamileyda siyaasada aadna ugu hanqal taagaya inay mar kale hogaamiyaan dalka.
La taliyaha wuu ka gaabsaday inuu si gaar ah sharaxo waxa uu Madaxweyne Xassan kala hadlay Farmaajo iyo Shariif , kaliya guud ahaan wuxu cadeeyay in laga wada tashtay gogosha uu dhigay Madaxweyne Xassan isagoo isku daray dhamaan qeybaha siyaasada ee Madaxweynuhu la tashiga la sameeyay.
XAFIISKA WARARKA
DAYNIILE.COM
