Uhuru Kenyatta Madaxweynihii hore ee Dalka Kenya ayaa ka hadlay dibad baxyada canshuur kordhinta ay uga soo horjeedaa shacabka Kenya kaasoo maalmihii ugu danbeeyay ka socday qeybo ka mida dalkaasi haba ugu badnaatee caasimada Nairobi.
Uhuru Kenyata ayaa wax laga xumaado ku tilmaamay dibab-baxyadii shalay oo sababay dhimashada shacab gaaraya 10 ruux halka ay dhaawacmeen kuwo kale oo boqol iyana lagu qiyaasay.
Ciidamada Booliiska ayaa lagu eedeynaaa inay rasaas nool nool u adeegsadeen xakameynta isu soo baxyada shacabka oo ka cabanaya canshuur aysan xamili karin oo Dowladu ku kordhisay badeecadaha,sidoo kale shacabku waxay isku dayayaan inay ka hortagaan qorshaha xildhibaanada oo ah inay ansixiyaan qorshaha canshuru kordhinta.
Uhuru wuxuu si kulul u cambaareeyay ficilada ay ku dhaqaaqeen madaxda maanta dalka hogaamineysa sida dilka,dhaawaca iyo xariga.
“waan ka xumahay dhibaatada ka dhalatay isu soo baxyada shacaka ,waana wax laga naxo dadkii shacabka ahaa ee shalay lagu laayay Nairobi”ayuu yiri Madaxweynihii hore ee Kenya
XAFIISKA WARARKA
DAYNIILE.COM
