MUQDISHO (DAYNIILE.COM)-Madaxweynaha Soomaaliya Xasan Sheekh Maxamuud ayaa Saaka ubax dhigay Taallada Dhagax-tuur ee magaalada Muqdisho, halkasoo sidoo kalana salaan sharaf uu kaga qaatay Ciidamo Booliis ah.
Ubax dhigaan ayaa lagu maamuusaa halgankii gobonnimo doonka Soomaaliyeed iyo halyeeyadii naftooda u huray siduu dalkaani uga xoroobi lahaa gumeystaha .
Madaxweynaha ayaa daljirka markii uu tagay mid mid u dul istaagay tabbeelayaal lagu xardhay taariikhda qaar ka mid ah Halgameyaashaasi.
Madaxweynaha wuxuu muujinaya sharafta iyo qiimaha ay Ummadda Soomaaliyeed ka mudan yihiin geesiyaashii u soo halgamay Xorriyadda dalka.
Sidoo kale Xasan Sheekh wuxuu shacabka ugu baaqay in la ilaaliyo wada-jirka Ummadda Somaliyeed iyo isku duubnidooda.
XAFIISKA WARARKA
DAYNIILE.COM
DAYNIILE.COM
Advertisement
