WASHINGTON (DAYNIILE.COM)-Madaxweynaha Mareykanka Donald Trump ayaa iclaamiyay inuu dagaal gaacsi la galayo dunida oo dhan ,wuxuuna soo rogay canshuuro uu ka rabo dhamaan ganacsiga dunida ee la geeyo dalkiisa Mareykanka.
Dowlada Mareykanka ayaa labadii bilood ee ugu dambeysay waxay waday qaban qaabada xafladda ku dhawaaqista canshuurahan.
Inkastoo tan iyo markii uu Janaayadii la soo dhaafay uu xilka si rasmi ah ula wareegay uu ku celcelinayay canshuur uu saarayo badeecadaha dibada uga yimaada hadana wuxuu hada soo rogay canshuuro kale oo dheeraad ah taasoo sababtay in ganacsiayada dunida isu tagaan kana soo hor jeestaan go’aanka Trump.
Sidoo kale waxaa talaabadaan Trump ka hadlay kana digay dhibaarada ka dhalan karta Dhaqaalayahanada dunida.
Guud ahaan hanaanka ganacsiga ee caalamka ayay sheegeen inay saameyn xun ku yeelan doonto qar iska tuurnimada Trump.
Dhaqaalayahanada waxay sidoo kale ka digayaan in noloshu ay hadda ku adkaan doonto qof walba, waliba kuwa ku nool Dalka Mareykanka kuwaas oo bixin doona canshuuraha alaabaha dibedda laga soo dhoofiyo ee uu soo rogay Trump.
Madaxweyne Trump wuxuu aaminsan yahay in xannibaadaha ganacsigu ay ku qasbi doonaan saaxiibbadiisa iyo cadawgaba in aanay le gelin heshiisyo, marka loo eego heshiisyo dhaqaale iyo kuwo dhulba sida BBC-du sheegtay.
Si kastaba Dalalka canshuuraha ay ku soo rogayaan Mareykanka ayaa loo kala aaba yeelin kuwa saaxiibka iyo xulufada la ah iyo waliba caddowgooda ah intaba.
XAFIISKA WARARKA
DAYNIILE.COM
