Taliyaha Ciidanka Boliiska Soomaaliyeed Sarreeye Guuto Asad Cismaan Cabdullaahi ayaa Taliyaha qeybta Taraafikada Gobalka Banaadir iyo ku xigeenkiisa kala hadlay xal u helista caqabadaha soo wajaha waddo marista iyo ka hortagga shilalka gaadiidka si kor loogu qaado badqabka Shacabka iyo Nabad-gelyada wadooyinka.
Sarreeye Guuto Asad Cismaan Cabdullaahi ayaa saraakiisha Taraafikada faray in si wanaagsan loola dhaqmo shacabka ,waxaana uu kula dardaarmay inay xoojiyaan shaqada ay hayaan oo muhiimad gaar ah u leh Ciidanka Boliiska iyo guud ahaan Dalka
Ciidamada Taraafikada Wadooyinka qeybtood oo fursad u helay Tababaro kor loogu qaadayo aqoontooda ayaa laga howlgeliyey wadooyinka muhiimka u ah Caasimadda , waxaana loo carbiyey in shacabka u fududeeyaan wadooyinka loo adeegsado isu socodka dadka iyo gaadiidkaba .
