Sida lagu baahiyay raadiyaha Dowlada Taliyaha Ciidanka Dhulka XDS Sareeye Guuto Sahal Cabdullahi Cumar oo ay wehlinayaan Maamulka Gobalka Hiiran Saraakiisha CXDS & kuwa Deegaanka ayaa maanta kormeer ku tagay Deegaanada aboorey, Yasooman, Abdhaare & deegaano kale oo dhaxeeye Dagmooyinka halgan & Buula burde.
Taliyaha Ciidanka Dhulka Xoogga Dalka Soomaaliyeed Sareeye guuto Sahal Cabdullahi Cumar ayaa u jeedka socdaalka uu Deegaanada ku tagay la xariira dardar galinta howlgalka lagu ciribtirayo Argagixisada.
Taliyaha Ciidanka Dhulka Xoogga Dalka ayaa ku amaanay Geesiyada Ciidanka Xoogga Dalka & kuwa deegaanka sida ay casharada ugu dhigeen Cadowga, intaa ka dib taliya ayaa kulamo gaar ah oo lagu dardar galiyo howlgalada la qaatay Agaasimaha Hay’adda Nabad sugida iyo Sirdoonka Qaranka Cabdullahi Sanbaloolshe & Ergayga Madaxweynaha u qaabilsan Arimaha Ciidanka Deegaanka Cali Jayte Cusmaan.
Advertisement
