Taliyaha Ciidanka Boliiska Soomaaliyeed, Sarreeye Guuto Asad Cismaan Cabdullaahi, ayaa maanta dhagax dhigay mashruuc cusub oo lagu dhisayo sheybaar casri ah oo uu yeelan doono Isbitaalka Madiina, kaas oo ka mid ah xarumaha caafimaad ee danta guud ee bixiya adeegyo muhiim ah oo bulshada Soomaaliyeed ay ka faa’iideystaan.
Intaas kadib, Taliyaha wuxuu booqday farmashiyaha isbitaalka iyo haanta biyaha, kuwaas oo laf-dhabar u ah adeegyada caafimaad ee isbitaalku bixiyo. Sarreeye Guuto Asad Cismaan Cabdullaahi ayaa sidoo kale bogaadiyay ahmiyadda uu isbitaalka Madiina u leeyahay bulshada, maadaama uu bixiyo adeegyo caafimaad oo bilaash ah, taas oo fursad weyn u ah shacabka Soomaaliyeed.
Mashruucan cusub ayaa loo arkaa tallaabo horumarineed oo lagu xoojinayo adeegyada caafimaadka ee isbitaalka.
Advertisement
