Taliyaha Ciidanka Boliiska Soomaaliyeed Sarreeye Guuto Asad Cismaan Cabdullaahi oo ay wehliyaan Taliye ku xigeenada Boliiska ayaa shir gudoomiyey kulanka Hogaanada, Taliyayaasha Qeybaha iyo Fadhiyada Madaxa banaan ee todobaadlaha ah kaasoo ka dhacay Xarunta taliska guud ee Ciidanka Boliiska Soomaaliyeed.
Kulanka ayaa Warbixino looga dhagaystay Saraakiisha Amniga oo kulankaan kulamadii ka horeeyey lagu faray in wax ka badalka qorshaha Horumarinta Amniga dhaqan geliyaan, islamarkaana xoojiyaan wada shaqeynta dhexdooda si loo derdergeliyo shaqada Ciidanka Boliiska ee la xiriirta ka hortagga iyo kadaba tagga falalka guracan ee kooxaha Khawaariijta.
Taliyaha Ciidanka Boliiska Soomaaliyeed Sarreeye Guuto Asad Cismaan Cabdullaahi ayaa saraakiisha Amniga faray in qorshahooda koowaad ka dhigtaan siday uga hortagi la haayeen dhacdooyinka lidka ku ah amniga kahor intaysan dhicin, kuna howlgalaan xogaha amaan ee ka dhaxeeya laamaha amniga dalka oo hadda la horumariyey .
Advertisement
