Taliye ku xigeenka Ciidanka Boliiska Soomaaliyeed Sarreeye Guuto Cismaan Cabdullaahi Maxamed (Kaniif) ayaa Tababar u daahfuray Ciidamada Boliiska ee Magaalada Muqdisho kaga sugan Goobaha Baarista Dadweynaha iyo Gaadiidka oo isugu jira kuwa guur guura iyo kuwa goobaha rasmiga ah ilaalada ka haya.
Ciidamadan ayaa mudada uu Tababarku u socdo la barayaa sida baarista casriyeysan loogu sameeyo shaqsiyaadka caadiga ah ,baarista gaadiidka iyo sida ay uga falcelinayaan markii ay gacanta ku dhigaan gaari Qarax lagu soo rakibay ama qof sharwadi ah oo dhib la doonayo shacabka.
Taliyaha ayaa Ciidanka fursadda u helay Tababarka kula dardaarmay in si fiican ugu dhaga nuglaadaan aqoon kororsiga maadama islaxisaabtan iyo dabagal joogta ah ka dambeyso askarigii hela fursad noocaan oo kale ah.
Advertisement
