Masuuliyiin ka tirsan dowladda Soomaaliya oo uu hoggaaminayo Wasiirka Arrimaha Dibadda XFS Axmed Macallin Fiqi ayaa maanta garoonka Aadan Cadde kusoo dhoweeyay 22 dhallinyaro ah oo isugu jira 17 wiil iyo 5 gabdhood, kuwaas oo laga soo badbaadiyay xabsiyada Portsudan, gaar ahaan Dungula iyo Gadaarif ee dalka Suudaan.
Dhallinyaradaan oo xabsiyada dalkaas ku xirnaa muddo saddex bilood ah ayaa la qabtay iyagoo tahriib ah, dowladda Soomaaliya oo kaashaneysa hay’ado caalami ah ayaa ugu dambeyntii maanta dalkooda Hooyo dib ugu soo celisay dhalinyaradaan.
“Dadaal ay dowladdu sameysay ayay ku timid idinkoo nabad qaba inaad dalka kusoo noqotaan,” ayuu yiri Wasiirka Arrimaha Dibadda Soomaaliya Axmed Macalin Fiqi oo hoggaaminayey masuuliyiin maanta Garoonka Aadan Cadde ku soo dhoweysay dhallinyaro tahriibtay oo laga soo badbaadiyay xabsiyada dalka Suudaan.
Advertisement
