Muqdisho – Axad – 15-Sept-2024‐ Golaha Warbaahinta Soomaaliyeed ee (GWS) oo kaashanaya Xafiiska UNSOM ayaa maanta Muqdisho ku qabtay tababar ku saabsan kor u qaadida aqoonta iyo xirfadda wariyaasha Soomaaliyeed.
Tababarkaan waxaa ka faa’iidaysan doona 35 wariye oo ka kala socda xarumaha Warbaahinta dalka, waxaana uu socon doonaa muddo 3 maalmood ah.
Guddoomiyaha KMG ah ee Golaha Warbaahinta Qaranka Md Maxamed Shiil oo ka hadlay tababarka ayaa faahfaahiyay ahmiyadda tababarkaan iyo howlaha hortabinta u leh Golaha Warbaahinta Soomaaliyeed.
Tababarkaan waxaa si rasmi ah u furay Agaasimaha Guud ee Wasaaradda Warfaafinta DFS Md. C/llaahi Xayir, waxaana uu hoosta ka xariiqay ahmiyadda uu Golahaan uu leeyahay dalka, isagoo Wariyaasha ugu baaqay in ay ka faa’iidaystaan tababarka.
Advertisement
