Wasiiru dowlaha Wasaaradda Tamarta iyo Kheyraadka Biyaha XFS Maxamed Cabdullaahi, Wasiir-dowlaha Wasaaradda Beeraha iyo Waraabka JFS, Xildhibaan Asad Cabdirisaaq oo uu wehliyo Guddoomiyaha Hay’adda Maareynta Musiiboyinka Qaranka Maxamuud Macallin Cabdulle ayaa magaalada Muqdisho uga qeybgalay Dood cilmiyeed ay soo qaban-qaabisay Hay’adda Maareynta Musiibooyinka kaas oo u jeedkiisa ahaa sidii dib loogu dhisi lahaa Buundooyinkii gobolka Gedo ee ku burburay fatahaaddii El-nino isla-markaana loo xoojin lahaa dadaallada u qareemidda iyo qaaraan-aruurunta ee socda.
Kulankaan waxaa si gaar ah looga hadlay saameynta taban ee ka dhalatay roobabkii xoogganaa ee dalka ka da’ay dhammaadki sanadkii hore gaar ahaan qiimeynta Buundooyinka gobolka Gedo ee burburay, sidii loo taageeri lahaa isku-dayga dadka degaanka ee ku aaddan dib u dhiska Buundooyinka iyo garab istaagga howlaha Guddiga Dib-u-dhiska, waxaana qeyb ka ahaa madashaan khubaro aqoon durugsan u leh muwduuca dood-cilmiyeedkaan.
