Home Warkii Saxiixa buuga tacsiga Ugaas Fara-cadde oo wali socota

Saxiixa buuga tacsiga Ugaas Fara-cadde oo wali socota

MUQDISHO (DAYNIILE.COM)-Waxaa aad mashquul u ah guriga Jen.Gaafoow oo ay taal gogosha Tacsida Allaha u naxariistee Ugaaska Beesha Mursade Ugaas C/laahi Ugas Faracade xili ehalada ugu dhaw Ugaaska ay tacsida gudoomayaan.

Ra’iisulwasaarihii hore Xasan Cali Kheyre ayaa maalmihii ugu dambeeyay ku sugnaa guriga ay tacsida taal halkaasoo uu ku soo dhaweynayo kuna gudoomayo tacsida isaga iyo ehalada kale.

Shalay ayay ahayd markii uu Xasan Cali Kheyre uu ku soo dhaweeyay gogoasha tacsida Ra’iisulwasaaraha xiligaan Xamze Cabdi Barre oo shalay soo saxiixay buuga tacsida.

Sidoo kale Siyaasiga Xildhibaan C/raxm,aan C/shukuur ayaa goor dhaw bartiisa Facebook soo dhigay qoraal uu ku cadeynayay inuu maanta soo saxiixay buuga tacsida islamarkaana uu tacsida ka gudoomay Ra’iisulwasaarihii hore Xasan Cali Kheyre.

“Waxaan tacsi iyo duco ku tagnay hoyga ay walaalaha beel-weynta Murusade dhigeen gogosha tacsida Allaha u naxariistee Ugaas C/llaahi Ugaas Xaashi Faracadde” ayuu yiri Xildhibaan C/raxm,aan C/shukuur Warsame.

“Ra’iisul Wasaarihii hore Xasan Cali Kheyre, Xildhibaanno, masuuliyiin kale, eheelka iyo bahda dhaqanka ayaan kaga tacsiyeynay geerida Ugaaska oo ahaa nin ahlu-diin ah, afgaaban, nabadda iyo dib u heshiintana u taagan”ayuu mar kale yiri Xildhibaan C/raxm,aan C/shukuur Warsame.

XAFIISKA WARARKA
DAYNIILE.COM