LVIV (DAYNIILE.COM)-Weerarkii cirka ee Russia ay ku qaadeen Lviv ee Ukraine ayaa gaystay khasaare nafeed oo isugu jira dhimasho iyo dhaawac.
Weerarka oo ka dhacay Galbeedka Ukraine waxaa ku dhintay 7 ruux oo ay ku jireen 3 caruur ah sida warbaahinta qaar soo tabiyeen.
Weerarkaan waxaa si gaar ah loola eegtay sida Aljazeera shaacisay xarunta taariikhiga ah ee galbeedka Ukraine oo u dhaw xadka Poland.
Duqeymaha Ruushku ka fuliyay magaalada Lviv ee galbeedka Ukraine waxaa ka danbeeyay diyaaradaha dagaalka Ruushka.
Moscow ayaa kordhisay weerarada dhanka cirka ah ka dib markii Ukraine ay weerar lama filaan ah ku qaaday gobolka Kursk ee Ruushka.
Weerarkaan xaga cirka ee ka yimid dhanka Ruushka ayaa mar kale dib u soo kicisay codsiga Madaxda Ukraine ay hor dhigayaan rer Galbeedka si loo siiyo gantaalada leh nidaamka difaaca.
“Guud ahaan, toddobo qof ayaa ku dhintay Lviv, oo ay ku jiraan saddex carruur ah,”
Wasiirka arrimaha gudaha Igor Klymenko ayaa ku qoray app fariimaha Telegram,Wuxuu sheegay in howlgallada baadigoobka iyo samatabbixinta ay ka socdaan Lviv, oo ku taal meel u dhow xudduudda xubinta NATO ee Poland, taas oo inta badan laga badbaadiyay dagaal laba sano iyo bar ah.
 =SOURCE ALJAZEERA=
XAFIISKA WARARKA
DAYNIILE.COM
