Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa ka qayb galay Munaasabad lagu xusayay Madaxweynihii Koowaad ee Soomaaliya Alle ha u naxariistee mudane Aadan Cabdulle Cusmaan (Aadan Cadde).
Madaxweynaha oo Aadan Cadde ku tilmaamay aasaasihii dowladnimada Soomaaliya iyo hoggaamiyihii dimuquraadiyadda Qaradda Afrika ayaa sheegay in dowladdu ay hirgalindoonto Maktabad lagu kaydiyo taariikhda iyo wax qabadkii Madaxweyne Aadan Cadde oo ahaa Madaxweynihii ugu horreeyay Afrika ee si nabad ah oo dimuquraadi ah xukunka ku wareejiyay.
Sidoo kale Ing. C/qaadir Aadan Cadde ayaa ka hadlay kaasoo ka sheekeeyay taariikhda aabihiis oo baal dahaba ka galay Afrila oo dhan.
C/qaadir Aadan Cadde wuxuu u mahadceliyay dhaman dadkii isku soo dubariday ama soo abaabulay munaasabadaan,sidoo kale wuxuu u mahadceliyay Madaxweynaha Soomaaliya sida uu u aqbalay casuumaada ka qeybgalka xuska loo sameeyay Madaxweynihii ugu horeeyay Soomaaliya Aadan Cabduule Cusmaan.
Advertisement
