RAASKAN-BOONI (DAYNIILE.COM)-Iyadoo dagaalkii saaka ka bilowday aaga Deegaanka Raaskan-booni uu soo dhamaaday ayaa wararka la helaayo waxay sheegayaan in gabi ahaanba ciidamada Dowlada Soomaaliya laga saaray Raas-kan booni waxaana si buuxda u maamulaya kuwa Jubland.
Goobaha ay ciidamada Jubaland la wareegeen waxaa ka mid ah garoonka diyaaradaha, iyo buurtii saldhiga u ahayd ciidanka dowlada federaalka halkaasoo ay dagaalada ka hagayeen.
Wararku waxay intaasi ku darayaan in ciidamada Dowlada qaarkood ay maxaabiis ahaan u qabsadeen kuwa Jubaland halka qaar kaloo badana xuduuda Kenya u talaabeenn.
Dhanka Dowlada Somalia wali wax war ah kama soo bixin marka la eego guuldarada la sheegay in ciidamadoodu ka soo gaareen dagaalkii ay la galeen maamulka Jubaland.
XAFIISKA WARARKA
DAYNIILE.COM
