CABUD-WAAQ (DAYNIILE.COM)-Sarkaal ka tirsan ilaalada Madaxweyne ku xigeenka Galmudug ayaa goordhow lagu dilay inta u dhaxaysa Balanbale iyo Caabudwaaq ee Gobolka Galgaduud xili safar ay ku jireen.
Allaha u naxariistee ninkaan oo lagu magacaabo Sadi Caanood ayaa la sheegay inuu ka tirsanaa saraakiisha ilaalada Madaxweyne xigeenka Maamulka Galmudug walina si rasmi ah looma oga kooxda dishay waxay yihiin.
Wararka qaar ee horu dhaca ah ayaa sheegaya in loo maleynayo in aano qabiil loo dilay sarkaalkaani oo aaney siyaasad ama alshabaab midna ku lug lahayn walow baaritaan la bilaabay sida wararka qaar durba sheegayaan.
Ciidamo ka tirsan madaxtooyada Galmudug ayaa dhaq dhaqaaqa baaritaanka bilaabeen kuwaasoo lagu wado inay saxaafada la wadaagay cida rasmiga ah ee ka danbeysa dilka sarkaalkaani.
Sidoo kale waxaa Sadi Caanood la socday saraakiil kale kuwaasoo la sheegay inay ka bad-baadeen shirqoolka lagu dilay.
XAFIISKA WARARKA
DAYNIILE.COM
DAYNIILE.COM
h.
