BALAD-XAAWO (DAYNIILE.COM)- Wararka ka imaanaya Gobolka Geddo ee Maamul Goboleedka Soomaaliyeed ee Jubaland gaar ahaana Magaalada Balad-xaawo ayaa sheegaya in halkaasi lagu dilay sarkaal ka tirsan ciidamada xoogga Dalka oo lagu magacaabi jirey Indha-buur Axmed Diiriye.
Kooxo hubeysan oo loo maleynayo inay Alshabaab ka tirsan yihiin ayaa dilay sida wararka qaar sheegayaan wayna ka baxsadeen goobta markii ay dilka fuliyee.
Wararku waxay intaasi ku darayaan in koxaha dilka fuliyay ay xirnaayeen dareyska ciidamada Xooga dalka,waxaana socda baaritaano la xiriira kiiskaasi mar hadii tuhumana ay jiraan.
Dilka sarkaalkaan ciidamada Milateriga Somalia ka tirsanaa ayaa ku soo aaday xili xiisad ay ka taagan magaaladaasi taasoo u dhexeysa ciidamada Faderaalka iyo kuwa Maamulka Jubaland.
XAFIISKA WARARKA
DAYNIILE.COM
