HomeCiyaarahaSaddex wado oo ay Arsenal ku xallin karto booska Gabriel ka hor...

Saddex wado oo ay Arsenal ku xallin karto booska Gabriel ka hor kulanka Real Madrid

XIGASHO LAACIB.NET

Guushii 2-1 ahayd ee ay Arsenal ka gaadhay Fulham Salaasadii ayaa la timid war xun, iyadoo tababare Mikel Arteta uu wajahayo caqabado cusub dhanka daafaca – waxyar uun kahor kulanka weyn ee lugta hore ee Champions League ee ay la ciyaari doonaan Real Madrid.

Inkasta oo ay taageereyaasha Gunners ku farxeen soo laabashada Bukayo Saka, kaasoo dhaliyay mid ka mid ah goolashii guusha, haddana dhaawac muruqa ah oo soo gaaray daafaca dhexe ee Gabriel Magalhães ayaa murugo ku reebay kooxda.

Gabriel, oo ka mid ahaa tiirarka daafaca Arsenal xilli ciyaareedkan, ayaa la xaqiijiyay in uu seegi doono inta ka dhiman xilli ciyaareedka sababo la xiriira dhaawac muruqa ah, taasoo dhabar-jab weyn ku ah kooxda London.

Haddaba, iyadoo Real Madrid ay foodda isku darayaan, Arsenal waxay u baahan tahay qorshe degdeg ah si ay u buuxiso booska Gabriel. Halkan hoose waxaan ku eegaynaa saddex shaxood oo suurtagal ah oo ay Arteta u adeegsado kulanka weyn:

1. Timber – Saliba – Kiwior – Lewis-Skelly

Shaxdan waxay dib u celineysaa isla afar daafac oo ku dhowaad wada ciyaaray kulankii Fulham. Jurrien Timber, oo muddo dheer dhaawac uga maqnaa kooxda, ayaa laga yaabaa in uu kusoo laabto safka koowaad haddii uu taam noqdo. Jakub Kiwior ayaa hore u buuxiyay booska Gabriel waxaana uu mar kale si fudud u geli karaa safka daafaca dhexe, garabna ka heli doona Saliba.

2. Timber – White – Saliba – Lewis-Skelly

Tani waxay noqon kartaa shaxda ugu adag ee Arsenal marka laga eego dhinaca waaya-aragnimada iyo tayada. Ben White ayaa dhowaan ka soo kabanayay dhaawac jilibka ah, hase ahaatee waxa uu seegay kulankii Fulham. Haddii uu caafimaadkiisu suura galo, waxaa la filayaa inuu ka ciyaaro daafaca midig, iyadoo Timber loo wareejin karo daafaca dhexe si uu u buuxiyo booska Gabriel, halka Kiwior uu buuxin karo garabka bidix.

3. Partey – Saliba – Kiwior – Lewis-Skelly

Shaxdan waxay noqon kartaa tii ugu xumeyd ee Arteta uu dhiso haddii White iyo Timber aysan helin taam ahaansho buuxda. Waxaa la filan karaa in Thomas Partey, oo badanaa ah khad dhexe difaaca, loo wareejiyo booska daafaca midig – tallaabo degdeg ah oo aan ahayn mid dabiici ah.

Kooxda Arsenal ayaa durba la daalaa-dhaceysa dhaawacyo badan xilli ciyaareedkan, iyadoo Saka uu dhowaan kasoo laabtay dhaawac halka uu Kai Havertz isagana la filayo in uu seego inta ka dhiman xilli ciyaareedka. Tababare Arteta ayaa rajeynaya in xaalada dhaawacyada aysan burburin qorshihiisa kahor ciyaarta Madrid.

Saddex Wado Oo Ay Arsenal Ku Xallin Karto Booska Gabriel Ka Hor Kulanka Real Madrid

RELATED ARTICLES

LEAVE A REPLY

Please enter your comment!
Please enter your name here

- Advertisment -

Smart Phone

Google Pixel 9

Samsung Galaxy S25 Ultra

OnePlus13

Samsung Galaxy Z Fold 6

- Advertisment -