MUQDISHO (DAYNIILE.COM)-Qaar ka mida dalalka reer Galbeedka ugu tunka weyn sida Mareykanka iyo Ingiriiska ayaa la sheegay inay Madaxweyne Xassan cadaadis ku saareen inuu wada hadal furo dhanka Mucaaradkiisa iyo waliba sidii uu u mideyn lahaa fikirka la dagaalanka Alshabaab.
Safiirada Ingiriiska iyo Mareykanka u fadhiya Somalia ayaa Muqdisho kula kulmay Madaxweynaha shalay markuu Turkey ka soo laabtay markaasoo ay culeys ku saareen inuu xal u helo dhowr qodob sida inuu doorashada danbe u sameeyo hanaan wada ogol ay ku yihiin Dowlada iyo siyaasiyiimta mucaaradka ku ah.
Sidoo kale waxaa Madaxweynaha la hor dhigay inuu yimaado siyaasad uu ku mideysan karo dagaalka culus ee Alshabaab uu kula jiro madaama hada Dowlada kaliya ay wado islamarkaana uu gaarsiyo siyaasiyiin mucaarada iyo Dowlada iyo Beesha Caalamkaba si guud lagu wajo si alshabaab looga adkado.
Safiirada ayaa sidoo kale soo jeediyay in si degdeg ah loo bilaabo wadahadal siyaasadeed oo u dhexeeya Dowladda Federaalka iyo dhinacyada mucaaradka ku ah ee xukun doonka ah iyo Maamulada Puntland iyo Jubaland oo ay soo hadal qaadeen.
Diblomaasiyiintaan Mareykanka iyo Ingririiska waxay Madaxweynaha uga digeen in khilaafka oo sii xoogeystaa uu wburburin karo midnimada Somalia.
XAFIISKA WARARKA
DAYNIILE.COM
