LAAS-CAANOOD (DAYNIILE.COM)-Ra’iisulwasaaraha Soomaaliya Xamsa Cabdi-Barre ayaa maanta lagu wadaa inuu u safro Magaalada Laas-caanood ee Xarunta Gobolka Sool iyo xarunta Maamulka SSC Khaatumo.
Safarka Ra’iisulwasaaraha ayaa yimid kadib markii uu martiqaad ka helay reer Laas-caanood oo ah dadka uu ku matalo Dowlada Somalia marka la eego saami qeybsiga Dowlada.
Wararka ka imaanaya Magaalada Laas-caanood ayaa sheegaya in halkaasi maanta ay ka socoto diyaar garowga soo dhaweynta Wafdiga Ra’iisulwasaare Xamsa ,waxaana aad loo adkeeyay amniga Magaaladaasi .
Odayaasha dhaqanka iyo siyaasiyiinta SSC Khaatumo ayaa lagu wadaa inuu kulamo la qaado waqtiga uu joogayo Magalada Laas-caanood waxaana lagu wadaa inay isla soo qaadaan arimaha Faderaalka iyo xiriirka Dowlada iyo SSC Khaatumo.
XAFIISKA WARARKA
DAYNIILE.COM
