Muqdisho, Sabti, 29 Maarso 2025: — Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre, ayaa ummadda Islaamka, gaar ahaan shacabka Soomaaliyeed meel kasta oo ay joogaan ugu hambalyeeyay munaasabadda barakaysan ee Ciidul-Fidri.Ra’iisul Wasaaraha, ayaa si gaar ah hambalyo ugu diray geesiyaasha Soomaaliyeed ee ku sugan furimaha hore ee dagaalka – Ciidamada Qalabka Sida ee naftooda u huraya difaaca diinta, dalka iyo dadkooda, iyaga oo ciribtiraya argagixisada Khawaarijta ee dhibaatada ku haysa dalkeenna.
“Guulaha ay ciidamadeennu ka soo hoyeen jiidaha dagaalka waa astaan muujinaysa dadaalka iyo go’aanka shacabka Soomaaliyeed ee ah in aysan mar dambe aqbali doonin cadow gumaada dadkooda oo hor istaaga horumarkooda”. Ayuu yiri Ra’iisul Wasaare Xamsa.
Mudane Xamsa ayaa ugu dambeyntii shacabka Soomaaliyeed meel ay joogaanba Alle uga baryay nabad iyo baraare inay ku gaaraan ciiddan ciiddeeda kale .
