Somaliland gartaye,  Puntland maxeey u dhibsaneysaa safarka Xamse C, Barre ee Laascaanood ?

[1] Maxaase lagala Jeedaa farriinta xalay aadka loo faafiyay ee lagu sheegayo in Laascaano aanay nabad aheyn?

[2] Ma guud ahaa gayiga Soomaaliyeed ayay ku taallaa magaalo Laascaano ka amni badan sidii 25/08/2023 looga saaray kooxihii dilalka haldoorka fulin jiray?

[3] Soow Xamse saddex maalmood ka hor ma booqan Shabeellada hoose?

[4] Keebaa amni badan Laascaanood iyo NO.50?

[5] Ma waxaa jirta koox si dadban u sheegeeysa in ay iyagu fuliyeen dilkii Madaxweyne Abdirashid hadana ku goodinaya in ay Xamse Barre dilayaan?

[6] Xataa haddiiba aan sidaas iyo siyaasad ka dhigno; Abdirashid kursi madaxweyne ayaa laga dilanayay ee Xamse maxaa laga dilanayaa ? Ma magacaabis ku xiran Xasan Shiikha markii horaba Daarood oo dhan Xamse Barre ka soo xushay?

[7] Waxaan marqaati ka ahay in Puntland ay dhiig iyo dhaqaalaba u hureeyn xoreeyntii Laascaanood sida ay Calmiskaad-ba maanta u xoreeynayaa wiilasha reer SSC, Su’aashu waxeey noqoneeysaa: Puntland ma waxeey Laascaano u xoreeyneeysay danta dadka iyo deegaanka reer SSC Khaatumo oo walaalahood ah mise iyada ayaabaa xoreeysaneeysay?

[8] Haddii aan indho-qabyaaladeed ku eegno oo Khaatumo ay maanta Aqoonsi rasmi ah oo buuxa lana mid ah 5-ta maamul goboleed ee kale hesho, soow maamul goboleed Harti u soo kordhay maahan maxeey Puntland u dhibsaneeysaa?

GUNAANAD:

Ninkii reer Mudugga ahaa een cibaadada lagu aqoon ee maalinkii danbe la arkay kiiyoo sooman bishii Ramadaan dabadeena la waydiiyay sababta uu sanadkaan u soomay wuxuu ku jawaabay “walaale waxkalaba yeelkeede wallaanan Ilaaheey iyo anigu haaf bariis ku kala dhimaneeyn:

Waxaan kala jeedaa: Hartiyoow, gaar ahaan Majeerteenoow, Maxamuud Saleebaanoow, hinaasuha dhaqan rageed maahan, mid rag wada-dhashayna kaba sii qarmuun, waxa Deni iyo Diyaano mideeyayna dan sahlan maahan, waxaanan ka xishoonayaa inaad gacanteeydu qoro inaanu Xamsaha Xasan dhammeeyn nimaad Dhulbahante ku kala dhimataan ee walaalihiin Dhulloos dhiillada ka jooja qalbigana u fura.

Wabillaahi Toowfiiq.