Wasiir Fiqi muxuu kala hadlay hogaamiyaha Ahlu suna

April 21, 2025

MUQDISHO (DAYNIILE.COM)-Wasiirka arimaha dibada Somalia Axmed Macalin Fiqi ayaa maanta xafiiskiisa ku qaabilay hogaamiyaha ruuxiga ah ee Ahlu Suna Wal Jameecah Sheekh Maxamuud Sheekh Xasan.

“Sharaf iyo farxad weyn ayay Ii ahayd maantay in aan xafiiskayga wasaaradda Arimaha dibadda ku qaabilo hogaamiyaha ruuxiga ah ee ASWJ Sheekh Maxamuud Sheekh Xasan” ayuu yiri Wasiir Fiqi oo baraha bulshada ku shaaciyay kulanka uu la yeeshay Sheekha

Wasiir Fiqi iyo Sheekha waxay ka wada hadleen Waxaan ka wada hadalnay in fikirka xagjirka ee argagixisadu uu khatar ku yahay diinta, dalka iyo dadka Soomaaliyeed .

Sidoo kale waxay isla garteen inay meel uga soo wada jeestaan kooxaha xag-jirka ah islamarkaana dawladda lagu garab istaago la dagaalanka Alshabaab iyo Daacish.

“Sheekh Maxamuud wuxuu leeyahay taariikh dheer oo ku suntan la dagaalanka argagixisada iyo fikirka xagjirka ah”ayuu yiri Wasiir Fiqi

XAFIISKA WARARKA
DAYNIILE.COM

Musharax Cabdi-Farax Shirdoon oo sharaxaad ka bixiyay qodobadii uu kala hadlay Madaxda sare ee Dalka

April 21, 2025

Ra’iisulwasaarihii hore ee Soomaaliya Cabdi-Faarax Shirdoon Saacid ahna musharax madaxweyne oo dhawaan Muqdisho soo gaaray ayaa shalay kulan kla yeeshay Madaxweynaha Soomaaliya Xasan Sheekh Maxamuud.

Musharax Cabdi-Faarax Shirdoon wuxuu sheegay inuu dhowr qodob uu kala hadlay Madaxweynaha iyo Ra’iisulwasaaraha sida doorashooyinka iyo amniga.

Ra’iisulwasaarihii hore ayaa bartiisa facebook wuxuu soo dhigay qoraal uu ugu horeyn ugu mahadcelinaayo casuumaada uu ka helay madaxda sare ee dalka sidoo kalana wuxuu ku sharaxay qodobadii uu kala hadlay sidan ayuuna u qornaa:-

WAR-SAXAAFADEED

Guddoomiyaha Xisbiga Nagaad ahna Musharrax Madaxweyne, Mudane Cabdi Faarax Shirdoon (Saacid), waxa uu ka mahadcelinayaa casuumaaddii ay u fidiyeen Madaxweyne Xasan Sheekh Maxamuud iyo Ra’iisul Wasaare Xamsa Cabdi Barre.

Kulamadaas, Musharrax Madaxweyne Saacid waxa uu madaxda qaranka u soo jeediyey sida ay muhiim u yihiin:

1: In arrimaha cakiran ee amniga iyo siyaasadda loo furdaamiyo si wadatashi ku dhisan;

2: In si gaar ah arrimaha doorashooyinka iyo wax ka beddelka dastuurka lagu saleeyo wadar ogol;

3: In ummadda Soomaaliyeed ay u midoobaan ciribtirka argagixisada dalka aafeysay, loona sameeyo dib-u-habeyn iyo dhiirrigelin ciidamada Qaranka.

DHAMMAAD

Dowlada oo xalisay mid ka mida dhibaatooyinkii furimaha dagaalka ka jirey

April 21, 2025

Taliska Ciidamada Xooga Dalka ayaa xal ka gaarat mid ka mida dhibatooyinkii ka jirey furimaha dagaalka kaasoo u hiilinayay dhanka kooxda Alshabaab.

Taliyaha Guutada 27-aad ee Abuudujaanah, Gaashaanle Saalim Cumar Axmed ayaa maanta ciidamo badan hortooda ka shaaciyay in Dowladu mamnuucday in askartu muuqaalo ka duubaan furimaha dagaalka kadibna baraha bulshada dhigaan.

“Askarigii lagu qabto isagoo duubaya ciidanka, si toos ah ayaa maxkamad loo horgeyn doonaa.” ayuu yiri Gaashaanle Saalim Cumar Axmed

talaabadaan uu qaaday taliska ciidamada xooga ayaa muhiim u ahayd inay Dowladu hore u qaado madaama dhibaatooyin badan laga dhaxlay Mobile-da ay ciidamadu furimaha la joogaan.

XAFIISKA WARARKA
DAYNIILE.COM

Ra’iisul Wasaare Xamsa oo maanta daah-furey Hirgelinta Siyaasadda Shaqaalaha Rayidka ah+SAWIRRO

April 21, 2025

May be an image of 1 person, dais and text that says "(d d"

Muqdisho, Isniin, 21 Abriil 2025: — Ra’iisul Wasaaraha Xukuumadda Federaalka Soomaaliya, Mudane Xamsa Cabdi Barre, oo daahfuray Hirgelinta Siyaasadda Qaran ee Darajooyinka iyo Mushaaraadka Shaqaalaha Rayidka ah, ayaa sheegay in siyaasaddani tahay mid xoojinaysa cududdada shaqaalaha Soomaaliyeed.

Mudane Xamsa, ayaa xusay in siyaasaddani ay beddeli doonto nidaamkii hore ee muddo dheer lagu maamulayey shaqaalaha dowladda, isla markaana ay horumarin doonto shaqo-gudashada, caddaaladda iyo kor-u-qaadista kartida Shaqaalaha Rayidka ah.

“Maanta waa maalin muhiim u ah Qaranka iyo Shaqaalaha Dowladda, daahfurka siyaasaddan Qaran waa mid kamid ah qorsheyaashii ugu muhiimsanaa ee la ansixiyay, taas oo ah guul, waxa aan rabnaa in golaha wasiirrada iyo shaqaalaha dowladda dhammaantood si isku mid ah loo dhaariyo, si ay daacad ugu addeeggaan dalkooda”. Ayuu yiri Ra’iisul Wasaare Xamsa Cabdi Barre.

Ra’iisul Wasaaraha, ayaa tilmaamay in Xukuumadda DanQaran ay xoogga saartay ilaalinta xuquuqda shaqaalaha, siyaasaddanina ay ahmiyad weyn u leedahay dhanka maamul-wanaagga iyo caddaaladda shaqo ee dalkeenna, taas oo qeyb ka ah Qorshaha Isbeddelka Qaranka, oo dib loogu casriyeynayo hey’adaha dalka, laguna tayeynayo dowladnimada.

Siyaasadan cusub waxay ku saleysan tahay qiimayn buundo-tirsi oo gaaraysa 1,000 dhibcood, iyadoo lagu eegayo afarta tiir ee kala ah: aqoon iyo khibrad, masuuliyad, dadaal (maskax iyo jir), iyo duruufaha shaqada. Waxay dajinaysaa 8 heer darajo ah (A ilaa G). Nidaamkan wuxuu meesha ka saarayaa eexda, wuxuuna xaqiijinayaa mushaar la jaanqaadaya waxtarka qofka shaqaalaha ah.

— Dhammaad —

Wixii Faah-faahin ah kala xiriir

Afhayeenka Xukuumadda, ahna Agaasimaha Warfaafinta iyo Xiriirka Dadweynaha XRW

Farxaan Maxamed Jimcaale

May be an image of 7 people, suit and wedding

May be an image of 1 person and text that says "Cd DÉCALÉ AIPOOR H I ٥ C"

May be an image of 2 people, people studying and text that says "ALÉ LÉ"

Guddoomiyeyaasha labada Aqal ee Baarlamaanka oo kulan xasaasi ah yeeshay

April 21, 2025

Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) ayaa y kulan la qaatay guddoomiyaha Golaha Aqalka Sare Mudane Cabdi Xaashi Cabdullaahi.

Kulanka labada guddoomiye ayaa looga hadlay xoojinta wada shaqeynta labada aqal ee Baarlamaanka Jamhuuriyadda Federaalka Soomaaliya gaar ahaan howlaha ay wadajirka u leeyihiin ka shaqeyntooda.

Guud ahaan kulanka waxaa diiradda loogu saaray dardargelinta howlaha baaxadda leh ee horyaala Baarlamaanka 11-aad iyo sidii looga howlgeli lahaa shuruucda hortebinta u leh horumarka dowladnimadeenna.

Kulanaan sidoo kale wuxuu ku soo aadayaa xili kulankii ugu dambeyaye ee baarlamaanka Soomaaliya uu u baaqday buuq iyo fowdo ay ku fureen qaar ka mida Xildihbaanada kuwaasoo ka hor yimid Gudoonka xili ay xitaa burburyeen makaroofanka.

Ciidamo Turki ah oo ka qeyb-qaadanaya dagaalada Alshabaab oo soo gaaray Muqdisho

April 21, 2025

MUQDISHO (DAYNIILE.COM)-Diyaarado Milateri oo siday ciidamo u dhashay dalka Turkey ayaa la sheegay inay soo gaareen Magaalada Muqdisho kuwaasoo qorshuhu yahay inay ka qeyb-qataan dagaalada ka dhanka ah Alshabab,waxaana tiradooda lagu sheegay 500 walow qeybo kale ay iman doonaan.

Diyaaradahaan oo laba ahaa sida la sheegay 2 maalin ka hor sioo gaaray Magaalada Muqdisho waxaana la xaqiijiyay in halkey dagayaan ,siday u howlgalayaan,caafimaadkoda iyo dhamaan tasiilaadkooda ay iyaga wataan.

Dowlada Somalia waxay uga baahan yihiin kaliya dad la shaqeeya oo kala tusa degaanada Soomaalida iyo meelaha alshabaab ku xoogan yihiin balse waxaa la sheegay in taliskooda uu gaar u noqon doono,waxayna wataan diyaarado casri ah oo kuwa dagaalka.

Imaanshaha Ciidamadaan waxaa dalbaday Madaxweynaha Somalia Xassan Sheekh si uu degdeg uga adkaado alshabaab,sidoo kale Baarlamaanka dalka Turkey ayaa dhawaan ansixiyay qorshaha ciidamada turkida loogu dirayo Somalia kadib mooshin kaga yimid Madaxweynaha dalkaasi.

Qandaraaska Ciidamadaani ay ku howlgeli doonaan ayaa mudo 2 sano ah inay dhulka iyo cirkaba kala dagaalamaan kooxda Alshabaab oo maalmihii ugu dambeeyay dhul cusub ka qabsaday gobolka Shabeelaha hoose waliw Milateriga Somalia dadaal badan muujiyeen islamarkaana dhul balaaran ka saareen Alshabaab.

XAFIISKA WARARKA
DAYNIILE.COM

Kulamo ka tirsan tartanka Kubbadda kolleyga degmooyinka Muqdisho oo galabta ka dhaaya Wiish Stadium

April 21, 2025

MUQDISHO (DAYNIILE.COM)-Waxaa Galabta Garoonka Wiish Stadium lagu ciyaarayaa ciyaaro ka tirsan tartanka Kubbadda kolleyga degmooyinka Gobolka Banaadir ee sanadkaani 2025.

Galabta waxaa la ciyaari doonaa 2 kulan oo ay isku arki doonaan 4 degmo kuwaasoo kala ah Shibis,Kaxda,Waaberi iyo Wada-jir.

kulanka hore oo bilaaban doona 2-da duhurnimo waxaa isaga hor iman doona labada Degmo ee kala ah Shibis iyo Kaxda.

Sidoo kale ciyaarta danbe ee blaabaneysa 4-ta galabnimo ama 10-ka saac waxaa isaga hor iman doona Waaberi iyo Wada-jir.

Ciyaarta kubada koleyga oo ah tan labaad ee loogu xiisa badan yahay Somalia ayaa waxaa garoonka Wiish aad u soo buux dhaafiya taageerayaasha jecel ciyaarahaasi kuwaasoo dhinacyada la kala safan.

Shalay DegmadaShinigaani ayaa ka badisay dhigeeguul ka gaartay dhiggeeda Dayniile. Tartanka Kubbadda kolleyga degmooyinka G. Banaadir 2025.

Shingaani 36 -47 Deyniile.

XAFIISKA WARARKA CIYAARAHA
DAYNIILE.COM.COM

DEG DEG: Dowlada oo war culus ka soo saartay qorshe Puntland ku sameysaneyso aqoonsi u gaar ah

April 21, 2025

Dowlada Somaia ayaa war culus ka soo saartay qorshe Puntland ku sameysaneyso aqoonsi u gaar ah xili dlku leeyahay aqoonsi qaran.

Wasaaradda Arrimaha Gudaha Somalia ayaa warsaxaafadeed ka soo saartay tallaabadaan oo uu ku sheegay mid baalmarsan qaanuunka dowladnimada oo uu maamulka Puntland ku sameysanayo aqoonsi u gaar ah.

“Tallaabada uu qaaday madaxweynaha dowlad goboleedka Puntland ee ah sameynta aqoonsi kale oo lagu carqaladeynayo Aqoonsiga Qaranka DF, waa qalad masuuliyadeed iyo mid sharciyadeed, waana mid si toos ah ugu xadgudbeysa hannaanka dowladnimada dalka.” May be an image of text

Amar si gaar ah loo dulsaaray shacabka Degmada Dayniile

April 21, 2025

MUQDISHO (DAYNIILE.COM)-Saraakiisha ammaanka iyo maamulka degmada Deyniile oo shalay kormeer ku sameeyay daafaha Caasimadda gaar ahaan Degmada Dayniile ayaa amar culus waxay si gaar ah ugu soo rogeen shacabka Degmada Dayniile ee Magaalada Muqdisho.

Saraakiisha kormeerka sameysay oo uu ku jiro Gudoomiyaha degmada Dayniile ayaa ku amray dadka leh dhulalka banaan ee daafaha dayniile inay geed yuhuudka iska jaraan.

mulkiilayaasha dhulalka bannaan ee uu ka baxay geed-yahuudka ee degmada Dayniile waxay dowladu uga digtay hadii falal amaan daro ashabaab ku geystaan in lagala wareegi doono hantidaasi.

Dowaladu waxay sheegtay in booskii lagu sameeyo falal amniga lidi ku ah inay isla saacadaasi Dowladu la wareegi doonto,waxaana lagu amray milkiilayaasha inay geedka yuhuuda iska jaraan islamarkaana ilaashadaan hantidooda.

Amarkaan waxaad moodaa mid culeys ku ah shacabka Dayniile madaama shaqada amniga ay tahay mid Dowlada iyo sirdoonkeeda u yaal,waxaana muuqata in shacabka ay ku adag tahay boosas meel cidla ah ku yaal oo qofi daganeyn inay la socdaan dhaq dhaqaaqyada ka jira.

Haddaba halkaan ka daawo muuqaalka kormeerka amni ee saraakiisha Dowlada iyo Gudoomiyaha Degmada Dayniile:-

XAFIISKA WARARKA
DAYNIILE.COM

Madaxweynaha Xiriirka Kubadda Cagta Jabuuti oo Muqdisho si weyn lagu soo dhaweeyay+SAWIRRO

April 21, 2025

May be an image of 3 people and aircraft Madaxweynaha Xiriirka Kubadda Cagta Soomaaliya Mudane Cali Cabdi Maxamed, Wasiir Ku Xigeenka Wasaaradda Dhalinyarada & Ciyaaraha JFS Dahabo Suusow Maxamuud & Wasiiru Dowlaha Wasaaradda Amniga Gudaha Maxamed Cali Xagaa ayaa Garoonka Diyaaradaha ee Aadan Cadde ee magaalada Muqdisho ku soo dhoweeyay Madaxweynaha Xiriirka Kubadda Cagta Jabuuti ahna xubin ka tirsan Golaha FIFA, Mudane Suleiman Hassan Waabari oo maanta booqasho rasmi ah ku yimid Soomaaliya.

Booqashadan ayaa lagu tilmaamay mid taariikhi ah, maadaama ay tahay markii ugu horreysay ee xubin ka tirsan Golaha FIFA uu dalka yimaado isagoo xilka haya, waxeyna ku timid kadib markii Xiriirka Kubadda Cagta uu martiqaad rasmi ah u fidiyay Mudane Suleiman Wabari.

Soo Dhaweynta heerka sare ee loo sameeyay Suleiman Waabari waxaa qeyb ka ahaa: Madaxweyne Ku Xigeenada XKCS, Xubnaha Guddiga Fulinta, Xoghayaha Guud ee XKCS, Xubno ka tirsan Golaha Wasiirrada Dowladda Federaalka Soomaaliya, Maamulka Ciyaaraha Gobolka, Qaar ka mid ah Gudoomiyayaasha Kooxaha Dalka & Xubno ka tirsan Shaqaalaha Xiriirka Kubadda Cagta Soomaaliya.

Ururka Haweenka Gobolka Banaadir oo ay hogaamineyso Jawaahir Maxamuud Jaamac “Baarqab” ayaa kaalin mug leh ka qaatay soo dhaweynta, sidoo kale Barbaarta Gaashaaman ayaa ciyaaraha dhaqanka kusoo bandhigay goobta soo dhaweynta.

Ma ahan markii ugu horreysay Madaxweyne Suleiman Wabari uu dalka yimaado, balse waa markii ugu horreysay uu yimaado isagoo ka tirsan Golaha FIFA oo ka mid ah darajooyinka ugu sarreeya kubadda cagta dunida.

Mudane Suleiman Hassan Waabari waxaa si weyn loogu xusuustaa kaalintiisa muuqata ee uu mar walba ku garab taagnaa horumarinta kubadda cagta Soomaaliya, isagoo door muhiim ah ka qaatay dhiirrigelinta wada-shaqeynta labada xiriir, taageeridda mashaariicda horumarineed, iyo kor u qaadista sumcadda ciyaaraha Soomaaliya ee heer gobol iyo mid caalami ah.

Tallaabadaan ayaa sidoo kale ka turjumeysa koboca xiriirka isboorti ee u dhexeeya Soomaaliya iyo Jabuuti, iyo dadaalka Xiriirka Kubadda Cagta Soomaaliya ee ku aaddan xoojinta iskaashiga gobolka. May be an image of 3 people and aircraft